देवघाट, फागुन १
विश्व रेडियो दिवसको अवसरमा देवघाटबाट सन्चालित सामुदायिक रेडियो देवघाट १०२.६ मेगाहर्जले मंगलबार देवघाट समाजकल्याण केन्द्र बृद्धाश्रमलाई एक थान रेडियो प्रदान गरेको छ ।
रेडियोका महासचिव निरन्जन हाडा र व्यवस्थापक गोपाल चन्द्र न्यौपानेले बृद्धाश्रमकी व्यवस्थापक दिलमाया सापकोटालाई उक्त रेडियो हस्तान्तरण गरेका थिए ।
वृद्धाश्रममा रहनुहुने वृद्ध बुवा आमाहरुलाई विहान समाचार, भजन तथा अन्य गतिविधि सुन्न सहज होस् भन्ने हेतुले रेडियो दिवसको अवसर पारेर एक थान रेडियो प्रदान गरिएको रेडियो देवघाटका व्यवस्थापक गोपाल चन्द्र न्यौपानेले बताए ।
