दमौली, फागुन २२
नेपाल सरकार शहरी विकास मन्त्रालय शहरी विकास तथा भवन निर्माण विभाग संघीय आयोजना कार्यान्वयन इकाई, कास्कीले व्यास नपा–५ पाटनमा रहेको ‘व्यास पराशर पार्क, दमौली’ व्यास नगरपालिकालाई हस्तान्तरण गरेको छ ।
सोमबार नगर प्रमुखको कार्यकक्षमा आयोजना प्रमुख सरोज पौडेलले व्यास– ५ वडा अध्यक्ष विष्णु कुमार श्रेष्ठ (हिमाल) को रोहबरमा व्यास नगरपालिका प्रमुख प्रशासकीय अधिकृत गंगालाल सुवेदीलाई सो पार्क हस्तान्तरण गरेका हुन् ।
उक्त पार्कको कुल लागत पहिलो चरणमा भ्याट बाहेक २ करोड ६६ लाख १७ हजार ५७५ र दोश्रो चरणमा ३० लाख ५२ हजार ६३३ रुपैयाँ रहेको छ ।
