प्रेस चौतारी चितवनको भवन निर्माणमा एमाले नेतृ रावलद्वारा आर्थिक सहयोग

Devghat Online

शेयर गरौ

२७, फागुन, चितवन

राष्ट्रिय सभाको निवर्तमान सांसद एवम् एमाले केन्द्रीय सदस्य पार्वती रावलले प्रेस चौतारी चितवनको भवन निर्माणका लागि आर्थिक सहयोग गरेकी छन् ।

भरतपुर महानगरपालिका-११ बसेनीमा निर्माणाधीन भवनका लागि नेतृ रावलले ३१ हजार १ सय ११ सहयोग गरेकी हुन् । राष्ट्रिय सभाको राष्ट्रिय सरोकार तथा समन्वय समिति सभापतिसमेत भएकी नेतृ रावलले प्रेस चौतारीको देश कै पहिलो भवन चितवनमा निर्माण हुनु सुखद कुरा भएको भन्दैं भवन निर्माणका लागि आफूले पाउने पारिश्रमिकबाट सहयोग गरेको बताइन् । प्रेस चौतारीको भवन निर्माणले पत्रकारहरुको संस्थागत विकास र दक्षता अभिवृद्धिमा टेवा पुग्ने विश्वास लिएको नेतृ रावलको भनाई छ ।

प्रेस चौतारी चितवनका अध्यक्ष सुवास पण्डितले भवनका लागि सहयोग गर्ने एमाले केन्द्रीय सदस्य रावललाई धन्यवाद दिँदै निकट भविश्य मै भवनले पूर्णता पाउने बताए । उनले कठिन शारिरिक अवस्था र क्यान्सर रोगबाट गुज्रिएर उपचार पछि क्यान्सरमुक्त हुन सफल भएकोमा नेतृ रावललाई बधाई दिँदै बाँकी जीवन समाज र राष्ट्रका लागि प्रेरणादायी बन्ने विश्वास ब्यक्त गरे । अध्यक्ष पण्डितले नेतृ रावलले संगठन प्रति दर्शाएको माया र सद्भाव अनुकरणीय रहेको बताए ।

समाजसेवी केशव कार्कीले प्रेस चौतारी चितवनलाई उपलब्ध गराएको झण्डैं ७० लाख पर्ने १० धुर जग्गामा अहिले भवन बनिरहेको छ । सो जग्गामा बन्दै गरेको भवनको लागत १ करोड ५० लाख छ । भवनको दोस्रो तला ढलानको काम सकेर तेस्रो तला ढलानको तयारी हुँदैछ । पहिलो तला भित्र फिनिसिङको काम भैरहेको छ ।

भवनमा आर्थिक सहयोग जुटाउन चौतारी चितवनले गत बर्ष वृहत सांस्कृतिक तथा साहित्यिक कार्यक्रम आयोजना गरेको थियो । भवनका लागि विभिन्न व्यक्ति तथा संघसंस्थाहरुले सहयोग गर्दै आएका छन् । भवनको भूईं तलामा कार्यालय कक्ष रहनेछ । पहिलो तलामा कार्यक्रम गर्न मिल्ने हल बन्ने अध्यक्ष पण्डितले जानकारी दिए ।

प्रतिक्रिया दिनुहोस्

सम्बन्धित समाचारहरू

एमालेको हीरक महोत्सव आजः प्रचण्ड र देउवा विशेष वक्ता, माधवलाई पनि निम्तो, पुर्व राष्ट्रपती भन्डारीलाई गणतन्त्र गौरबले सम्मान गर्ने

काठमाडौं, बैशाख १० नेकपा एमालेले आज नेकपा स्थापना दिवसको अवसरमा हीरक महोत्सव मनाउँदैछ । नेकपा

कालिगन्डकी नदीबाट ढुङ्गा, गिटी र बालुवा उत्खनन बारे सर्वाेच्चको फैसलाको व्याख्या हुनुपर्नेः देवघाट गाउँपालिका अध्यक्ष थापा

‘नदीको पानी हेरेर मात्र बस्ने भयौं, उपभोग गर्न पाईएन’ देवघाट, बैशाख १० कालीगन्डकी नदीबाट ढुङ्गा,

कालिगन्डकी नदीबाट ढुङ्गा, गिटी र बालुवा उत्खनन बारे सर्वाेच्चको फैसलाको व्याख्या हुनुपर्नेः देवघाट गाउँपालिका अध्यक्ष थापा

‘नदीको पानी हेरेर मात्र बस्ने भयौं, उपभोग गर्न पाईएन’ देवघाट, बैशाख १० कालीगन्डकी नदीबाट ढुङ्गा,

देवघाटमा चोरीको बिगबिगी: कल्पवासीको कुटी फोरी २ लाख ५० हजार नगद र ३ तोला सुन चोरी

देवघाट, बैशाख ९ देवघाट गाउँपालिकामा पछिल्लो दिनमा मोटरसाईकल चोरी हुनुलाई सामान्य रुपमा लिन थालिएको छ

ओझेलमा परेको सीता गुफा

रामायणमा सीता मातालाई उनका पति अयोध्याका राजा श्रीरामले अग्निपरिक्षा लिन आदेश दिएपछि, त्यो अपमान सहन