क्यान्सर पिडित देवघाटकी बिनुमायाबाट सहयोगको याचना

Devghat Online

शेयर गरौ

देवघाट, चैत ६
देवघाट गाँउपालिका–२ स्थायी घर भई हाल व्यास नगरपालिका–५, पिपलटारमा बस्दै आएकी क्यान्सर पीडित ४९ वर्षिया बिनुमाया गुरुङले उपचारको लागि आर्थिक सहयोगको याचना गरेकी छिन् ।

कलेजोको क्यान्सरबाट पीडित रहेकी उनले आफ्नो आर्थिक अवस्था निकै कमजोर रहेको हुँदा उपचारकोलागि आर्थिक सहयोग गर्न अनुरोध गरेकी हुन् । मुटु पोल्ने तथा पेट फुल्ने समस्या देखिएपछि पोखराको मणिपाल अस्पतालमा उपचार गराएकी गुरुङले विपी कोईराला क्यान्सर अस्पताल भरतपुरमा पुगेर परिक्षण गर्दा कलेजेको क्यान्सर भएको पुष्टि भएको थियो ।

आर्थिक अवस्था अत्यन्त कमजोर रहेकी गुरुङको स्वास्थ्य उपचारको लागी हालसम्म ठुलो रकम खर्च भईसकेको र अब थप उपचारको लागि आर्थिक अभाव भएको हुदाँ सहयोगको लागी सबैसँग अनुरोध गरिएको बिनुमायाका पति दलबहादुर गुरुङले बताए । आफ्नो नाममा जग्गा नभएका उनीहरु हाल हाल अर्काको जग्गामा बस्दै आएका छन् । एक छोरा र २ छोरी रहेका गुरुङको छोरा वैदेशिक रोजगारीको शिलशिलामा विदेशमा छन् ।

दैनिक ज्याला मजदुर गरेर जीवन यापन गर्दै आएको गुरुङ परिवारमा श्रीमतीको कलेजोको क्यान्सर देखिएपछि कसरी उपचार गर्ने भन्ने पीडामा रहेको दलबहादुरले वताए । हालसम्म ऋण गरेर करिब २ लाख उपचारमा खर्चिसकेका गुरुङ दम्पतीले परिवारको उपचारका लागी सहयोग जुटाईदिन आग्रह गरेका छन् ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा