देवघाट, बैशाख ३
देवघाट गाउँपालिका-५ क्युँदी स्थित कालिका माविलाई भारतीय राजदुतावासले स्कुल वस उपलब्ध गराएको छ ।
नेपाल भारत विकास साझेदारी अन्तर्गत काठमाडौं स्थित भारतीय राजदुतावासले कालिका मावि देवघाट सहित देशका विभिन्न सामुदायिक विद्यालयलाई बस हस्तान्तरण गरेको हो ।
उक्तको बसको चाबी विद्यालय व्यवस्थापन समितिका अध्यक्ष डा. सुरेन्द्र प्रसाद श्रेष्ठ र विद्यालयका सहायक प्रअ युवराज साँखीले ग्रहण गरेका थिए ।
कालिका मावि व्यवस्थापन समितिका अध्यक्ष श्रेष्ठले स्कुल वस प्राप्त भएपछि टाढा टाढाका विद्यार्थीलाई विद्यालय जान आउन अब निकै सहज हुने बताए । कालिका माविले अब चाडै नै बस सन्चालन गर्ने जनाएको छ ।
