दमौली, जेठ २३
व्यास नपा–१२ घर भएका व्यास नगरपालिकामा कार्यरत ईन्जिनियर प्रविण कैनीको सवारी दुर्घटनामा परि गत जेठ २१ गते भएको निधनपछि सिर्जित घटना अझै साम्य भएको छैन । पृथ्विराजमार्गको व्यास नपा–१ अग्रेनीमा पृथ्विराजमार्ग अन्र्तगत पूर्वि खण्ड तर्फको चाइनिज निर्माण कम्पनीको पानी टेंकरले ठक्कर दिँदा कैनीको निधन भएको थियो ।
सो घटनापछि आन्दोलिन भएका पीडित पक्ष र सडक निर्माणको ठेक्का पाएको चाईजिन कम्पनी चाइना कम्युनिकेशन कन्स्ट्रक्सन कम्पनी विच भएको छलफल बिना निश्कर्ष टुगिंएको छ । दुई पक्ष विच मंगलबार दिनभर वार्ता भएपनि वार्ताको क्रममा केही असामान्य घटना भएपछि बुधबार भने वार्ता हुन सकेन । मंगलबार जिल्ला प्रशासन कार्यालयमा भएको सर्वपक्षिय बैठकमा केही राजनीतिक दलका नेताहरु समेतकै संलग्नतामा आफुहरुमाथी अभद्र व्यवहार भएको भन्दै चाइनिज निर्माण कम्पनीले यस्तै व्यवहार भए अव वार्तामा नबस्ने बताएको छ ।
दुई पक्ष विच मृतक परिवारलाई दिने राहतको विषयमा कुरा मिलेको छैन । निर्माण कम्पनीले मृतक परिवारलाई कम्पनीको तर्फबाट २० लाख र तेश्रो पक्ष विमा वापतको ५ लाख गरि २५ लाख दिन तयार भएको छ भने मृतकका आफन्तबाट त्यो भन्दा धेरै रकम माग गरिएको हुँदा सहमती नभएको बुझिएको छ ।
यसैविच व्यास नगरपालिकाका जनप्रतिनिधि र कर्मचारीहरुले बुधबार पीडित परिवारलाई उचित क्षतीपुर्ती उपलब्ध गराउनु पर्ने माग गर्दै जिल्ला प्रशासन कार्यालय अगाडी नारावाजी गरेका थिए । सो क्रममा व्यास नगरपालिका कर्मचारी हकहित तथा सरोकार मञ्चले प्रमुख जिल्ला अधिकारी समक्ष माग पत्र समेत बुझाएको छ ।
उक्त ज्ञापनपत्रमा व्यास नगरपालिकामा कार्यरत लगनसील प्राविधिक जनशक्तिको क्षतिले समग्र राष्ट्रलाई नै अपुरणिय क्षति भएको र कार्यालयको कामको शिलसीलामा आफ्नो कर्तव्य र्निवाह गर्ने कममा दुर्घटनाबाट भएको मृत्युले हामी अत्यन्त मर्माहीत भएको जनाईएको छ । टेंकरको ठक्करबाट निजको हत्या भएको लामो समयसम्म पनि सम्बन्धित निकायबाट पिडीत पक्षको मागको उचित व्यवस्था नगरिएको हुँदा यस प्रती गम्भिर ध्यानार्कषण भएको जनाईएको छ ।
हालसम्म मृतकको दाहसंस्कारको समेत व्यवस्था हुनसकेको छैन । साथै निजको परिवारको निकै दयनिय अवस्था रहेको र सम्पूर्ण परिवारको जिम्मेवारी निज माथि नै रहेको भन्दै मागपत्रमा तत्काल पिडीत पक्षको मागलाई सम्बोधन गर्न बिषेश पहल गरिदीन माग गरिएको छ । मागको तत्काल उचित सम्बोधन नभए चरणवद्धरुपमा थप सशक्त विरोधका कार्यकम सन्चालन गर्ने समेत जानकारी गराईएको छ ।
