दमौली, जेठ २४
व्यास नपा–१२ घर भएका व्यास नगरपालिकामा कार्यरत ईन्जिनियर प्रविण कैनीको सवारी दुर्घटनामा परि गत जेठ २१ गते भएको निधनपछि सिर्जित घटनामा दुबै पक्ष विच सहमती भएको छ । विहिबार दिउँसो जिल्ला प्रशासन कार्यालयमा भएको बैठकमा पीडित परिवारलाई राहत उपलब्ध गराउने रकमको विषयमा दुबै पक्ष विच सहमती भएको हो ।
सो घटनापछि आन्दोलित भएका पीडित पक्ष र सडक निर्माणको ठेक्का पाएको चाईजिन कम्पनी चाइना कम्युनिकेशन कन्स्ट्रक्सन कम्पनी विच विहिबार समहती भएको हो । सहमती अनुसार चाइनिज कम्पनीले पीडित परिवारलाई विमाको रकम सहित ३० लाख राहात उपलब्ध गराउने भएको छ । त्यसैगरि कैनीको घरको एक जनालाई आयोजनामा रोजगारी दिने र चालकलाई हदैसम्मको कानुनी कारबाही गर्ने सहमती भएको छ ।
उक्त सहमती पछि मृतकको परिवारले शव बुझेका छन् । शवको विहिबार पोष्टमार्टम भएको र शुक्रबार विहान दमौली घाटमा दाहासंस्कार गर्ने जनाईएको छ ।
सोमबार दिउँसो २ बजे व्यास नगरपालिका वडा नम्बर १ मुसेखोला स्थित पृथ्वीराजमार्गमा पानी हालेर दमौली तर्फ फर्कदै गरेको बा.प्र.०१–००१ अ.य.००३९ नम्बरको पानी ट्याङकरले सोही दिशा तर्फ आउदै गरेको ग १९ प ८३०३ नम्बरको मोटरसाईकललाई ठक्कर दिँदा मोटरसाईकल चालक व्यास नगरपालिका वडा नम्बर १२ घर भएका २९ बर्षिय कैनीको घटनास्थलमै मृत्यु भएको थियो ।
ट्यांकर चालक प्रहरी नियन्त्रणमा रहेको र उनलाई कानुनी कारवाहीको प्रक्रिया सुरु भएको जिल्ला प्रहरी कार्यालयले जनाएको छ ।
