दमौली, जेठ २७
तनहुँ जिल्लाकै उच्च स्थानमा रहेको पर्यटकिय तथा धार्मिक स्थल छिम्केश्वरी मन्दिरमा शनिबार तनहुँ उद्योग वाणिज्य संघको बैठक सम्पन्न भएको छ ।
आँबुखैरेनी बजार इकाई समितिको आतिथ्यतामा आबुँखैरेनी गाउँपालिका–५ लाब्दीमा संघको जिल्ला कार्यसमिातिको चौथो बैठक सम्पन्न भएको हो ।
उक्त बैठकले आगामी २०८१ पौष २५ गते माघ ७ गतेसम्म देखि नवौँ तनहुँ महोत्सव–२०८१ गर्ने निर्णय समेत गरेको छ ।
बैठकले महोत्सवको मूल संयोजकमा संघका अध्यक्ष बैकुण्ठनाथ मिश्र र निर्देशकमा संघका निवर्तमान अध्यक्ष पविन्द्रकुमार श्रेष्ठ रहने निर्णय समेत गरेको छ ।
