देवघाट, असार ९
सव डिभिजन वन कार्यालय देवघाटले विभिन्न प्रजातीका विरुवा वितरण सुरु गरेको छ । सव डिभिजन वन कार्यालयको परिसरमा रहेको वन नर्सरीमा उत्पादित विभिन्न प्रजातीका बहु वर्षिय विरुवाहरु गत असार ७ गतेबाट निशुल्क वितरण भईरहेको सव डिभिजन वन कार्यालयले जनाएको छ ।
इच्छुक सामुदायिक वन उपभोक्ता समुह, कबुलियती वन समुह, व्यक्ति, फर्म, नीजि वन धनी, संघ संस्था एवं सरोकारवालाहरुलाई विरुवा लिन आउन हुन कार्यालयले अनुरोध गरेको छ ।
कर्यालयले यस वर्ष तेजपात, जामुन, गुलाफजामुन, म्याङ्गोगस्टिक, वेल, अशोका, हर्राे, पिपल र बिजयसालका विरुवा वितरण गरिएको कार्यालयले जनाएको छ । यी विरुवाहरु सिमित संख्यामा रहेको हुँदा यथाशिघ्र सम्पर्क राख्नपनि सव डिभिजन वन कार्यालयले अनुरोध गरेको छ ।
