निषेधित लागु औषध सहित २ जना पक्राउ

Devghat Online

शेयर गरौ

दमौली, असार १६

निषेधित लागु औषध सहित २ जना पक्राउ परेका छन् । पक्राउ पर्नेमा पोखरा महानगरपालिका–२६ का २२ बर्षिय राजन बिक र पोखरा महानगर–१४ का १९ बर्षिय अशोक नेपाली रहेका छन् ।

शनिबार आँबुखैरेनी गाउँपालिका–४ बेनिटार स्थित पृथ्वी राजमार्ग सडक खण्डमा सवारी साधनहरु चेकजाँचको लागी ड्युटीमा खटिएका प्रहरी कर्मचारीहरुले चेकिङको क्रममा मुग्लिङबाट आँबुखैरेनी तर्फ आउदै गरेको ग १७ प ९४१७ नम्बरको स्कुटरलाई रोकी चेकजाँच गर्ने क्रममा स्कुटरमा पछाडी सवार अशोक नेपालीले झोला भित्र लुकाई छिपाई ल्याएको नियन्त्रित लागु औषध ट्रामाडोल ४०० क्याप्सुल र एनाग्रान ४०० क्याप्सुल फेला परेको हुँदा उनीहरुलाई पक्राउ गरिएको प्रहरीले जनाएको छ ।

पक्राउ परेका उनीहरुलाई आइतबार तनहुँ जिल्ला अदालतबाट म्याद थप अनुमती लिई थप अनुसन्धान भईरहेको जिल्ला प्रहरी कार्यालयले जनाएको छ ।

अनलाइन सट्टाबाजी गर्ने एक पक्राउ

अनलाइन बेटिङ मार्फत सट्टाबाजी गर्दै आएका भानु नपा–३ खहरेका ३२ बर्षिय अमृत कुमार श्रेष्ठलाई प्रहरीले शनबिार पक्राउ गरेको छ । उनले अनलाइन बेटिङ खेलाईरहेको भन्ने सुचनाको आधारमा गएको प्रहरी टोलीले श्रेष्ठले सन्चालन गरेको भानु अनलाईन पसलमा खानतलासी गरी निजालई पक्राउ गरेको प्रहरीले जनाएको छ ।

श्रेष्ठको साथबाट अनलाइन बोटिङमा प्रयोग हुने ट्याब १ थान तथा मोबाईल लगाएतका सामानहरु बरामद गरिएको प्रहरीले जनाएको छ । उनलाई थप अनुसन्धानकोलागि जिल्ला प्रशासन कार्यालय तनहुँबाट जुवा खेल्न वा सट्टाबाजी गर्न नहुने कसुरमा म्याद थप अनुमती लिई थप अनुसन्धान कार्य भईरहेको जिल्ला प्रहरी कार्यालयले जनाएको छ ।

खोलामा करेन्ट लगाई माछा मार्ने ४ जना पक्राउ

व्यास नगरपालिका–७ पातल स्थित मादी नदीमा करेण्ट प्रयोग गरी माछा मारीरहेको अवस्थामा चार जना पक्राउ परेका छन् । पक्राउ पर्नेमा व्यास नपा–७ सत्रसय पातलका २५ वर्षिय पदम बहादुर ठकुरी, सोही ठाउँका ४० बर्षिय पुर्ण विक, ५० बर्षिय शेरबहादुर दुरा र लमजुङ मध्यनेपाल नगरपालिका–४ वाग्लेफाँटका ४० वर्षिय लिल बहादुर दुरा रहेका छन् ।

गस्तीमा खटिएका प्रहरी टोलीले आइतबार फेला पारी तलासी गर्दा उनीहरुको साथबाट माछा मार्न प्रयोग गरेको रातो रङगको ब्याट्री १ थान, करेण्ट प्रवाह गर्ने मोटर १ थान, प्लाई बक्स १ थान, तार सहितको टाँगा २ थान र घोल्याङ १ थान सहित ३ किलो ५०० ग्राम माछा फेला परेको हुँदा उनीहरुलाई नियन्त्रणमा लिई आवश्यक कारवाहीको लागी दशी सहित जिल्ला प्रशासन कार्यालय तनहुँमा उपस्थित गराइएको प्रहरीले जनाएको छ ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर