दमौली, असार २३
तनहुँको शुक्लागन्डकी नपा–७ काउरेमा पहिरोमा परि वेपत्ता भएका तिन जनाको शव भेटिएको छ । उक्त पहिरोमा परि मृत्यु हनुेमा शुक्लागण्डकी नपा–७ काउरेका ४० बर्षिया हिरा नेपाली, ३७ बर्षिया अनिशा बास्तोला र ६५ बर्षिय श्याम भण्डारी रहेका छन् ।
शनिबार दिउँसो शुक्लागण्डकी नपा–७ काउरेका हिरा नेपाली र सुनमाया कुमालको घर माथीबाट पहिरो आउदै गर्दा घर भित्र रेहेको सामान स्थानियहरु मिली निकाल्न जाने क्रममा नेपाली, बास्तोला र भण्डारी बेपत्ता भएका थिए । बेपत्ता भएपछि नेपाली सेना, नेपाल प्रहरी र शसस्त्र प्रहरी सहित स्थानीय बासिन्दाहरुले खोजतालस गर्दा तिनै जनाको शव भेटिएको जिल्ला प्रहरी कार्यालयका एसपी अपिलराज बोहोराले जानकारी दिए ।
वेपत्ता भएका मध्ये नेपालीको शव शनिबार राती र बास्तोला र भण्डारीको शव आइतबार बिहान भेटिएको एसपी बोहोराले बताए । सोही घटनामा सोही ठाउँका ४० बर्षिय बिष्णु बहादुर नेपाली, २६ बर्षिय बिशाल तिम्लसिना र ३५ बर्षिय रबि घिमिरे घाइते भएका थिए । उनीहरुको जिपि कोईराला राष्ट्रिय श्वास प्रश्वास उपचार केन्द्र बेलचौतारामा उपचार भयो ।
