बन्दिपुर, साउन ४

चितुवाको आक्रमणबाट बिहीबार साँझ एक बालकको मृत्यु भएको छ । बन्दीपुर–४ सालथान निवासी जीत बहादुर अच्छामी छोरा बर्ष ११ का सुन्दर अच्छामीको मृत्यु भएको हो ।

जिल्ला प्रहरी कार्यालयका अनुसार साँझ सवा ८ बजेको गाइगोठबाट घरतर्फ फर्किने क्रममा चितुवाले बालकलाई आक्रमण गरी घाइते बनाएको हो ।

घाइते बालकको उपचारको क्रममा बन्दिपुर हस्पिटलमा मृत्यु भएको तनहुँका प्रहरी नायव उपरीक्षक दीपककुमार रायले जानकारी दिए ।