दमौली, साउन ६
तनहुँ प्रहरीले पछिल्लो समयमा गिटी, बालुवाको अवैध चोरी निकासीमा उल्लेख्य सफलता प्राप्त गरेको छ । जिल्ला प्रहरी कार्यालय तनहुँमा एसपी अपिलराज बोहोरा प्रमुख भएर आएपछि २०८० फागुन देखी २०८१ साउन ४ गतेसम्ममा कुल ५९ पटक अबैध गिटी, बालुवाको निकासीलाई नियन्त्रणमा लिईएको जिल्ला प्रहरी कार्यालयले जनाएको छ ।
सबैभन्दा बढि शुक्लागन्डकी नगरपालिकाको अबैध निकासी नियन्त्रण गरिएको प्रहरीले जनाएको छ । शुक्लागन्डकीमा २४ पटक, व्यास नपामा १४ पटक, घिरिङमा ७ पटक, बन्दिपुरमा ५ पटक ऋषिङमा ३ पटक तथा भानुमा ३ पटक अबैध निकासी नियन्त्रणमा लिई कारवाहीको लागि सम्बन्धित स्थानीय तहमा बुझाईएको प्रहरीले जनाएको छ ।
जसबाट लाखौं रुपैयाँको आन्तरिक राजश्व संकलन भएको थियो । जिल्ला प्रहरी कार्यालय र मातहतका इलाका प्रहरी कार्यालय तथा प्रहरी चौकीहरुले विभिन्न नदि तथा घाटहरुबाट अबैधरुपमा निकासी भएको गिटी, बालुवा नियन्त्रण गरेको हो ।
