काठमाडौं, साउन २४
राष्ट्रपति रामचन्द्र पौडेलले मन्त्रीहरुको मर्यादाक्रममा हेरफेर गरेका छन् । राष्ट्रपतिको कार्यालयका अनुसार प्रधानमन्त्री केपी शर्मा ओलीको सिफारिस अनुसार संविधानको धारा ७६ को उपधारा ९ अनुसार मन्त्रिपरिषदको मर्यादाक्रम हेरफेर गरिएको हो ।
यसअनुसार मन्त्रीहरु बद्री पाण्डे र प्रदीप पौडेलको मर्यादाक्रम हेरफेर गरिएको छ । नयाँ मर्यादाक्रमअनुसार पाण्डे १४औँ क्रममा छन् भने पौडेलले १६ औँ मर्यादा क्रम पाएका छन् ।
यसअघि पौडेल १४ औँ र पाण्डे १६ औँ मर्यादाक्रममा रहेका थिए । मन्त्रिपरिषद्को मर्यादाक्रमअनुसार प्रधानमन्त्री ओली पहिलो, उपप्रधानमन्त्री प्रकाशमान सिंह दोस्रो र विष्णु पौडेल तेस्रोमा रहेका छन् ।
