काठमाडौं, साउन २६
राष्ट्रिय सभाकी सांसद भगवती न्यौपाने आइतबार पाकिस्तान जाने भएकी छिन् । राष्ट्रिय सभामा सत्तापक्षका मुख्य सचेतक समेत रहेकी न्यौपाने पाकिस्तानको जलवायु परिवर्तन र वातावरणीय समन्वय मन्त्रालय र जनसंख्या र विकासमा संसदीय दलको एशियाली मञ्चले अगष्ट १२ र १३ मा इस्लामाबादमा आयोजना गरेको ‘हरित अर्थतन्त्रका लागि लैङ्गिक सशक्तिकरण’ सम्बन्धी क्षेत्रीय सम्मेलनमा सहभागी हुन पाकिस्तान जान लागेको न्यौपानेको सचिवालयले जनाएको छ ।
उक्त क्षेत्रीय सम्मेलनमा नेपाल सहित एसियाका ४८ देशका संघीय सांसदहरुको सहभागिता रहनेछ । नेपालको तर्फबाट न्यौपानेको सहभागिता रहने बताईको छ । सो सम्मेनलमा सांसद न्यौपानेले नेपालको तर्फबाट ‘हरित अर्थतन्त्रका लागि लैङ्गिक सशक्तिकरण’ विषयमा सम्बोधन गर्ने कार्यक्रम रहेको छ ।
समुदायको विकासका लागि महिलाको भूमिका आवश्यक छ र समान, न्यायपूर्ण, समावेशी र दिगो समाज निर्माण गर्न महिला सशक्तिकरणलाई सम्बोधन गर्नु महत्वपुर्ण रहेको हुँदा उक्त बैठकले हरित अर्थतन्त्र निर्माणमा महिलाको भुमिकाको बारेमा छलफल हुने सांसद न्यौपानेले बताइन् ।
