दमौली, साउन ३२
व्यास नगर साईनिङ स्टारका प्रतिश्पर्धीहरुले व्यास नगरपालिकाका मेयर र उपमेयरलाई भेटेका छन् । शुक्रबार मेयर बैकुण्ठ न्यौपानेको कार्यकक्षमा गई साईनिङ स्टारका प्रतिश्पर्धी बालबालिकाहरुले मेयर र उपमेयरलाई भेट गरेका हुन् ।
जेसिआई व्यास नगरद्वारा आयोजित व्यास नगर साईनिङ स्टारको १० औं संस्करणका २० जना प्रतिश्पर्धीहरुले मेयर र उपमेयरसँग भेट गरि व्यास नगरपालिकाको बारेमा जानकारी लिएका थिए । सो अवसरमा जेसिआई व्यास नगरका अध्यक्षका नविन पुरी लगायत केही पुर्व अध्यक्षहरुको पनि सहभागिता रहेको थियो ।
व्यास नगरपालिका भित्रका ९ देखी १५ वर्ष भित्रका बालबालिकाको अन्तरनिहित प्रतिभा प्रस्फुटनकोलागि जेसिआई व्यास नगरले व्यास नगर साईनिङ स्टारको आयोजना गर्दै आईरहेको छ । कुल १०४ बालबालिका मध्ये अडिसनबाट छनौट भएका २० जना बालबालिका मध्येबाट व्यास नगर साईनिङ स्टार छानिनेछन् ।
साईनिङ स्टारको फाईनल आगामी भदौ ८ गते हुने भएको छ । साईनिङ स्टार घोषित हुनेले नगद २५ हजार २४ रुपैयाँ तथा ट्रफी पाउने छन् भने फस्र्ट रनरअपले १५ हजार २४ र सेकेन्ड रनरअपले १० हजार २४ रुपैयाँ र ट्रफी पाउने जेसिआई व्यास नगर–२०२४ का अध्यक्ष नविन पुरीले जानकारी दिए ।
