देवघाट, भदौ १०
श्रीकृष्ण जन्माष्टमी पर्वको अवसरमा देवघाट स्थित श्रीकृष्ण कृपाधाम (प्राणनाथ सेवा आश्रम) मा आज विभिन्न कार्यक्रम गरिदै छ । श्रीकृष्ण प्रणामी सेवा समिति देवघाट, श्रीकृष्णप्रणामी युवा समिति देवघाट र श्रीकृष्णप्रणामी बाइजुराज महिला समिति देवघाटको आयोजनामा आज र भोली दुई दिनसम्म श्रीकृष्ण जन्मोत्सवको अवसरमा आश्रमकी संरक्षक श्री १०८ तारा माताजीको स्वान्निध्यमा विभिन्न कार्यक्रम आयोजना गरिएको हो ।
श्रीकृष्ण जन्मोत्सवको अवसरमा आज भदौ १० र ११ गते देवघाट गाउँपालिका–५ मा रहेको श्रीकृष्ण कृपाधाममा विविध कार्यक्रम आयोजना गरिएको हो ।
कृष्णजन्माष्टमीमा आज विहान चितवन मोडल अस्पतालका नाक, कान घाँटी, मुटुरोग तथा हाडजोर्नी सम्बन्धि विशेषज्ञ चिकित्सकहरुद्वारा निशुल्क स्वास्थ्य परिक्षण शिविर आयोजना गरिएको छ । उक्त शिविरमा सय भन्दा बढिको स्वास्थ्य परिक्षण भईसकेको छ ।
स्वास्थ्य शिविर पश्चात साँझ ५ बजेसम्म कृष्ण भजन, श्रीकृष्ण प्राकट्य विषेश कार्यक्रक, सन्ध्या आरती लगायत विविध प्रतियोगितात्मक कार्यक्रमहरु हुने छन् । त्यसैगरि भदौ ११ गते नन्द उत्सव तथा बृहत रथ यात्रा तथा मट्का फुटाउने प्रतियोगिता हुने कृपाधामले जनाएको छ ।
श्रीकृष्ण जन्मोत्सवको अवसरमा हुने उक्त दुई दिवसिय कार्यक्रममा सम्पुर्ण धर्मावलम्बी, श्रद्धालु भक्तजनहरुलाई स्वास्थ तथा आध्यात्मिक लाभ लिन समेत मन्दिर परिवारले आमन्त्रण गरेको छ ।
