दमौली, भदौ १३
नेपाली महिलाहरुको महानपर्व हरितालिका तीजको अवसरमा न्यु भिजन युथ क्वल म्याग्दे गाउँपालिका–२ जामुनेको आयोजनामा भाद्र २१ र २२ गते जामुने बजारमा खुल्ला तीज गीत प्रतियोगिता हुने भएको छ ।
भिरपानी सामुदायिक वन उ.समुह, जामुने टोल विकास संस्था, जामुने खानेपानी तथा सरसफाई उपभोक्ता समिति र न्यु भिजन साउदी परिवारको सह–आयोजना तथा म्याग्दे गाउँपालिका कार्यालय, वडा नम्बर २ कार्यालयको विशेष सहयोगमा उक्त प्रतियोगिता आयोजना गरिएको क्लवले जनाएको छ ।
क्वलले तीजको अवसरमा हरेक वर्ष खुल्ला तीज गीत प्रतियोगिता आयोजना गर्दै आईरहेको छ । यस पटकको प्रतियोगिता १२ औं सस्करणको रहेको क्वलका अध्यक्ष राजिव श्रेष्ठले बताए । प्रतियोगितामा सहभागित हुनकोलागि १ हजार रुपैयाँ दर्ता शुल्क तोकिएको र गित तर्फ प्रथम, द्वित्तिय र तृतिय हुने टिमलाई क्रमशः २० हजार २२२, १३ हजार ३३३ र ७ हजार ७७७ रुपैयाँ नगद र प्रमाणपत्र प्रदान गरिने अध्यक्ष श्रेष्ठले बताए ।
यसैगरि नृत्य तर्फ गित तर्फ प्रथम, द्वित्तिय र तृतिय हुने टिमलाई क्रमशः ६ हजार ६६६, ४ हजार ४४४ र २ हजार २२२ रुपैयाँ नगद र प्रमाणपत्र प्रदान गरिने क्वलका सचिव अमिर श्रेष्ठले जानकारी दिए । उक्त प्रतियोगितामा गायिकाद्वय भुमिका गिरी र चिना थापा मगरको विशेष उपस्थिती रहने क्वलका निवर्तमान अध्यक्ष एवं कलाकार संयोजक सन्दिप रानाभाटले जानकारी दिए ।
न्यु भिजन युथ क्लवले हरितालिका तिजको अवसरमा प्रत्येक वर्ष खुल्ला तीज गीत प्रतियोगिता आयोजनाको अलावा जामुने क्षेत्रमा विभिन्न सामाजिक कामहरु गर्दै आएको क्लवका निवर्तमान अध्यक्ष रानाभाटले बताए । क्लवले राधा माविमा करिब ४ लाखको लागतमा सरस्वती मन्दिर समेत निर्माण गरिरहेको छ ।
