दमौली, भदौ २७
व्यास नपा–३ निवासी ७५ बर्षिय गोपाल लौडारी बुधबार विहानबाट सम्पर्क विहिन भएका छन् । दमौली सफासडक स्थित मुख्यचोक निवासी लौडारी बुधबार बिहानबाट सम्पर्क विहिन भएका हुन् ।
पारिवारिक श्रोतका अनुसार बुधबार विहान करिब ७.३० बजे मर्निङ वाक जान्छु भन्दै घरबाट निस्किएका लौडारी त्यसयता सम्पर्क विहिन भएका छन् । सकासडकमा रहेको सिसी क्यामराको फुटेजमा लौडरी घरबाट निस्किएर सकासडक हुँदै जिल्ला प्रशासन कार्यालयको गेटबाट तल गएको देखिएको जनाईएको छ ।
लौडारी सम्पर्क विहिन भएपछि उनको परिवार, इष्टमित्र तथा आफन्तजन चिन्तामा परेको छ । लौडारी सम्पर्क विहिन भएको बारेमा परिवारले जिल्ला प्रहरी कार्यालयमा जानकारी समेत गराएका छन् । उनको आफन्तजन र प्रहरीले संयुक्त रुपमा लौडारीको खोजी गरिहेको जिल्ला प्रहरी कार्यालयले जनाएको छ ।
