देवघाट, भदौ २९
देवघाटधाम स्थित गलेश्वर आश्रमका पिठाधिश श्री १००८ अनन्त श्री विभूषित महामण्डलेश्वर स्वामी आत्मानन्द गिरिजी महाराज अमेरिका भ्रमणमा गएका छन् । स्वामी आत्मानन्द गिरि अक्टेवर २६ (कार्तिक १० गतेसम्म) अमेरिका भ्रमणमा हुनेछन् । ।
आफ्ना सिष्यहरुको निमन्त्रणामा अमेरिका भ्रमणमा गएका स्वामी आत्मानन्द गिरिजी महाराजले अमेरिका भ्रमणको क्रममा विभिन्न राज्यमा उनका सिष्यहरुले आयोजना गर्ने विभिन्न कार्यक्रममा धार्मिक प्रवचन दिने कार्यक्रम रहेको छ ।
नेपालको मध्यभागमा पर्ने कालीगण्डकी र त्रिशुली नदीको संगमस्थल देवघाटधाम तपस्वी अष्टाङ्ग योगसिद्ध ईश्वरानन्द ब्रह्मचारी (गलेश्वर बाबा) ले वि.सं.१९८० सालमा म्याग्दीबाट देवघाट आई कुटी निर्माण गरी आश्रमको स्थापना गरेका थिए । सोही आश्रमलाई गलेश्वर आश्रमको रुपमा चिनिन्छ । २०५३ सालदेखी उक्त आश्रमको पिठाधिसको रुपमा श्री १००८ अनन्त श्री विभूषित महामण्डलेश्वर स्वामी आत्मानन्द गिरिजी महाराज रहेका छन् ।
