बन्दिपुर, असोज १०
प्रधानमन्त्री रोजगार कार्यक्रम अन्तर्गत बन्दिपुर गाउँपालिका–४ मा गोरेटोबाटो ढलान गरिएको छ । बन्दीपुर गाउँपालिका वडा नम्बर ४ स्थित पुलामी चोकबाट पानी टंकीसम्म जाने गोरेटो बाटो ढलान योजनाको काम गरिएको हो ।
उक्त योजनाको लागि गाउँपालिकामा चालु आर्थिक वर्षमा सुचिकृत भएका बेरोजगार व्यक्तिहरु परिचालन गरिएको थियो । बन्दीपुर गाउँपालिका वडा नम्बर ४ को कार्यालय र प्रधानमन्त्री रोजगार कार्यक्रमको लागत साझेदारीमा सञ्चालित यस योजनामा निर्माण सामाग्री तथा दक्ष कामदार ज्याला बन्दीपुर गाउँपालिका वडा नम्बर ४ को कार्यालयबाट विनियोजित ४ लाख रुपैयाँ र अदक्ष कामदार तर्फको ज्याला प्रधानमन्त्री रोजगार कार्यक्रमबाट प्रदान गरिने गाउँपालिकाले जनाएको छ ।
उक्त योजना दशैं अगाडी नै निर्माण कार्य सम्पन्न गर्ने लक्ष्य रहेको यस योजनाबाट ८ जना अदक्ष र ४ जना दक्ष श्रमिकले रोजगारी प्राप्त गरि लाभान्वित बनेको गाउँपालिकाले जनाएको छ ।
