देवघाट, असोज ११
स्वास्थ्य सुचकको आधारमा तनहुँका स्थानीय तह मध्ये देवघाट गाउँपालिका प्रथम भएको छ । गन्डकी प्रदेशको स्वास्थ्य मन्त्रालयले गन्डकी प्रदेशका सबै स्थानीय तहको आ.व २०८०/८१ को गरेको मुल्यांकनमा देवघाट गाउँपालिका प्रथम भएको हो । विभिन्न सुचकहरुमा रही प्रदेश स्वास्थ्य मन्त्रालयले गरेको मुल्यांकनमा ७९.६ अंक प्राप्त गरि देवघाट गाउँपालिका प्रथम हुन सफल भएको हो ।
प्रदेशभरि भने देवघाट आठौं भएको छ । देवघाटले आ.व २०७९/०८० मा प्रदेशभरी एक्काइसौं स्थान पाएकामा यसपटक उल्लेख सुधार गरेको छ ।
जिल्ला स्वास्थ्य कार्यालय तनहँले जिल्ला भरका स्वास्थ्य चौकीहरुको गरेको मुल्यांकनमा पनि देवघाट गाउँपालिका-३ को छिपछिपे स्वास्थ्य चौकी प्रथम भएको थियो ।
स्थानीय तहले स्वास्थ्यको क्षेत्रमा गरेको कामहरुको सुचकलाई आधार मानेर मुल्यांकन गरिएको स्वास्थ्य कार्यालय तनहुँका प्रमुख शंकरबाबु अधिकारीले बताए ।
प्रदेशको मुल्यांकन अनुसार तनहुमा ऋषिङ गाउँपालिका ७६.४ अंक प्राप्त गरि तनहुँमा दोस्रो, ७३.९ अंक प्राप्त गरि व्यास नपा तेस्रो भएका छन् । त्यसैगरी बन्दिपुर चौंथो, आबुँखैरेनी पाँचौ, म्याग्दे छैटौं, शुक्लागन्डकी सातौं, घिरिङ आठौं, भिमाद नवौं र भानु नपा दशौं भएको छ ।
