दमौली, असोज १७
व्यास नपा–१२ कमलबारी स्थित निर्माणाधिन पृथ्वीराजर्मागको नालिमा बुधबार दिउँसो भेटिएको १० फिट चार इन्च लामो अजिङ्गर भेटिएको छ । उक्त अजिङ्गरलाई उद्धार गरि सुरक्षित स्थानमा छोडिने छ ।
निर्माणाधिन सडकको नालीमा स्थानीय बासिन्दाले अजिङ्गर फेला पारेपछि डिभिजन वन कार्यालयमा खबर गरेका थिए । डिभिजन वन कार्यालयबाट उद्धारकर्मीहरु गई उक्त अजिङ्गरलाई कार्यालयमा ल्याएका थिए ।
सवारी चालक अर्जुनकुमार श्रेष्ठ, शसस्त्र वन रक्षक सूर्य सुवेदी, शसस्त्र वन रक्षकहरु कृष्ण कैनी, रामकाजी अधिकारी, गुननारायण श्रेष्ठ लगायतको टोलीले अजिङ्गरको उद्धार गरेको थियो । उक्त अजिङ्गरलाई सुरक्षित स्थानमा छाडिने डिभिजन वन अधिकृत राजकुमार श्रेष्ठले बताए ।
२०८१ साल सुरु भएयता जिल्लामा चार वटा अजिङ्गरको उद्धार गरिसकिएको बन अधिकृत श्रेष्ठले बताए । राष्ट्रिय निकुञ्ज तथा वन्यजन्तु संरक्षण ऐन अनुसार अजिङ्गरलाई संरक्षित सरिसृपको रुपमा लिइन्छ ।
