विष्णु मगर । देवघाट, पुस ९
देवघाट गाउँपालिका–५ देवपुर स्थित बराह आधारभुत विद्यालयका विद्यार्थीहरुलाई न्यानो कपडा वितरण गरिएको छ । सारथी टुगेदर फर नेपाल जर्मनी नामक संस्थाले उक्त विद्यालयका ८३ जना विद्यार्थीहरुलाई न्यानो कपडा वितरण गरेको थियो ।
विद्यालयमा मंगलबार आयोजित कार्यक्रममा प्रमुख अतिथि देवघाट गाउँपालिका उपाध्यक्ष भुवन सिंह गुरुङले विद्यार्थीहरुलाई न्यानो कपडा प्रदान गर्दै बराह आधारभुत विद्यालयको विद्यार्थीको शैक्षिक गुणस्तर बढ्दै गएको बताए । उपाध्यक्ष गुरुङले विद्यालयको भौतिक पुर्वाधारको विकासकोलागि गाउँपालिकाले प्रक्रिया पु¥याएर रकम उपलब्ध गराउने बताए ।
गाउँपालिकाका शिक्षा तथा खेलकुँद शाखाका प्रमुख होमनाथ लामिछानेले बराह आधारभुतको विद्यार्थी संख्या तथा विद्यार्थीको शैक्षिक गुणस्तर हेरि शैक्षिक दरबन्दी थप गर्ने बताए । उनले देवघाटका अन्य विद्यालयका विद्यार्थीहरुलाई पनि सहयोग गर्न सारथी टुगेदर फर नेपाल जर्मनी संस्थालाई अनुरोध गरे ।
उक्त कार्यक्रममा कार्यक्रममा देवपुर टोल विकास सस्थाका अध्यक्ष सुकु गुरुङ, विद्यालयका प्रअ सोम बहादुर थापा, सारथी टुगेदर फर नेपाल जर्मनी संस्थाकाका प्रतिनिधि नारायण पुरी, विद्यालय व्यवस्थापन समितिका अध्यक्ष टेकराज सापकोटाले मन्तव्य राखेका थिए ।
