दमौली, पुस १६

लागु औषध मुद्धामा फरार रहेकी ब्यास नगरपालिका वडा नम्बर ४ बस्ने ३८ बर्षीया साइदा सना भन्ने सहिदा खानलाई मंगलबार प्रहरीले पक्राउ गरेको छ ।

तनहुँ जिल्ला अदालतबाट २०८० चैत ७ गतेको फैसला पश्चात लगत कसी हाल सम्म फरार रहेकी उनलाई खोजतलास गर्ने क्रममा मंगलबार निजको सम्बन्धित घर ठेगानामा लुकिछिपी बस्दै आएको अवस्थामा फेला पारी पक्राउ गरिएको प्रहरीले जनाएको छ ।

उनलाई अदालतबाट तोकिएको १ महिना २६ दिन कैद भुक्तानको लागी तनहुँ जिल्ला अदालतमा उपस्थित गराइएको प्रहरीले जनाएको छ ।