दमौली, पुस १७
भानु नगरपालिकाको प्रमुख प्रशासकीय अधिकृतमा गौतम भण्डारी सरुवा भएका छन् । यस अघि गोरखाको पालुङटार नगरपालिकामा प्रमुख प्रशासकीय अधिकृत रहेका भण्डारीलाई संघीय मामिला तथा सामान्य प्रशासन मन्त्रालयले भानु नगरपालिकामा सरुवा गरेको हो । भण्डारी बुधबार भानु नगरपालिकामा हाजिर भएका छन् ।
भानु नगरपालिकामा भण्डारीलाई भानुको पहिचान ऐतिहासिक विर्केटोपी लगाएर नगर प्रमुख आनन्दराज त्रिपाठीले स्वागत गरेका थिए । सो कार्यक्रममा उपप्रमुख उमा गोतामे, निमित्त प्रमुख प्रशासकीय अधिकृत ध्रुवराज पौडेल, वडा अध्यक्षहरु, कार्यपालिका सदस्यहरु तथा कर्मचारीहरुको उपस्थिती रहेको थियो ।
स्वागत तथा परिचयात्मक कार्यक्रममा बोल्दै प्रमुख प्रशासकीय अधिकृत भण्डारीले भानुवासीहरूका लागि थप सहज, गुणस्तरीय र नागरिकमैत्री सेवा प्रवाह गर्न आफ्नो तर्फबाट सक्दो प्रयत्न गर्ने बताए ।
