दमौली, पुस २३
नेकपा एमाले व्यास नगरपालिका वडा नम्बर ३ को अध्यक्षमा अजित पन्थ चयन भएका छन् । मंगलबार भएको वडा कमिटिको दोश्रो अधिवेशनले पन्थको अध्यक्षतामा नयाँ कमिटि सर्वसम्मत चयन भएको छ ।
कमिटिको उपाध्यक्षमा झलकबहादुर श्रेष्ठ, सचिवमा भानुप्रसाद श्रेष्ठ, उपसचिवमा सिता पाण्डे र दुर्गा विक तथा सदस्यहरुमा पवित्रा थापा, राजकुमार परियार, माया थापा, विष्णु विक लगायत रहेका छन् । सो अधिवेशनको नेकपा एमाले केन्द्रीय सल्लाहाकार परिषदका सदस्य एकबहादुर रानाले उद्घाटन गरेका थिए ।
अजित पन्थको अध्यक्षतामा सम्पन्न भएको उक्त अधिवेशनमा केन्द्रीय सल्लाहाकार सदस्य नरेन्द्रराज वाग्ले, जिल्ला कमिटिका सचिव प्रदिपराज अधिकारी, प्रदेश सल्लाहार मोहन कुमार विक, जिल्ला लेखा कमिटिका सचिव त्रिभुवन श्रेष्ठ, व्यास नगर कमिटिका अध्यक्ष तुल्सीराम पाण्डे लगायतले शुभकामना मन्तव्य राखेका थिए । कार्यक्रमको सन्चालन जुननारयण श्रेष्ठले गरेका थिए ।
