दमौली, पुस २७
राष्ट्रिय मानवअधिकार तथा सामाजिक न्याय मन्च (मानवअधिकार एलायन्स) तनहुँको जिल्ला भेला शनिबार दमौलीमा सम्पन्न भयो ।
मनवअधिकार एलायन्सकी जिल्ला अध्यक्ष सरस्वती सिग्देलको अध्यक्षतामा सम्पन्न उक्त भेलामा बोल्दै मानवअधिकार एलायन्सका केन्द्रीय सचिव रामचन्द्र शर्मा पौडेलले मानवधिकार र सामाजिक न्यायको निमित्त आवाज बुलन्द गर्नु पर्ने बताए । मानवअधिकारको मुद्धामा सबैसँग सहकार्य र हातेमालो गरेर अगाडी बढ्नुपर्नेमा पौडेलले जोड दिए ।
उक्त कार्यक्रममा नेकपा एमाले जिल्ला कमिटिका सचिव प्रदिपराज अधिकारी, मानवअधिकार एलायन्सका केन्द्रीय सदस्य अनन्तकुमार श्रेष्ठ, मानवअधिकार एलायन्स तनहुँका पुर्व अध्यक्ष प्रकाशचन्द्र भट्टराई, गन्डकी प्रदेशका सचिव तिर्थ खनाल लगायतले शुभकामना मन्तव्य राखेका थिए ।
सो कार्यक्रमको सन्चालन सचिव कविराज श्रेष्ठले र स्वागत उपाध्यक्ष सरस्वती पोख्रेलले गरेकी थिइन् । कार्यक्रममा जिल्ला अध्यक्ष सिग्देलले वार्षीक प्रतिबेदन पेश गरेकी थिइन् ।
