विवेक श्रेष्ठ । ऋषिङ, माघ १२
ऋषिङ गाउँपालिका–७ अर्खलछाप स्थित ऋषिङ युवा कल्याण क्लवले एक लाख रुपैयाँ राशीको भलिवल प्रतियोगिता आयोजना गर्ने भएको छ । क्लवको ३२ औं बार्षिकोत्सवको अवसरमा क्लवले आगामी फागुन २ गतेदेखी शुद्ध वडा स्तरीय पुरुष भलिवल प्रतियोगिता आयोजना गर्ने भएको हो ।
क्लवले ऋषिङ गाउँपालिका–७ अर्खलछाप स्थित गैराबारी खेलमैदानमा उक्त प्रतियोगिता गरिने क्लवका अध्यक्ष लालबहादुर आलेले जानकारी दिए । प्रतियोगितामा सहभागी हुने टिमले फागुन १ गतेसम्म टिम दर्ता गर्नुपर्ने अध्यक्ष आलेले जानकारी दिए । टिम दर्ताकोलागि ८ हजार रुपैयाँ शुल्क लाग्ने उनले बताए ।
प्रतियोगितामा प्रथम, द्वित्तिय, तृतिय र सान्त्वना हुने टिमलाई क्रमशः नगद एक लाख, पचास हजार, तिस हजार र २० हजार तथा मेडल र प्रमाणपत्र प्रदान गरिने अध्यक्ष आलेले बताए । त्यस्तै उत्कृष्ट खेलाडी, उत्कृष्ट स्पाईकर, उत्कृष्ट सेटर तथा उत्कृष्ट ब्लकरकोलागि पनि ट्रफी, मेडल र प्रमाणपत्र प्रदान गरिनेछ ।
