दमौली, माघ २१
दमौलीका युवा अभियन्ता महम्मद गफ्फार (सुदिप) ले सरस्वती पुजाको अवसरमा सोमबार व्यास नपा–४ मा रहेको कालिका मन्दिर वरपर सरसफाइ गरेका छन् । उक्त क्रमा लागु औसधका सिरिन्ज र बियरका धेरै बोत्तलहरु भेटिएको र ६ झोला फोहोर जम्मा गरियको सुदिपले जानकारी दिए ।
उक्त सरसफाईको क्रममा सुदिपले मन्दिर प्रवेश स्थलको बाटोदेखी मन्दिर परिसरसम्म सरसफाइ गरेका थिए । उनले मन्दिर वरिपरिका बस्ने कुर्चीको अबस्था निकै नै नाजुक रहेको र सरकारले जुन तवरले मन्दिरमा लगानी गरेको छ त्यस अनुरुप पर्यटकको आगमन नभएको भान भएको बताए । मन्दिरको प्रचार गर्न सकेमा धेरै पर्यटकलाई भित्र्याउन सकिने उनले बताए ।
