देवघाट, फागुन ८
देवघाट गाउँपालिका–५ स्थित कालिका माविको प्रधानाध्यापकमा सरदचन्द्र खनाल नियुक्त भएका छन् । विद्यालयको प्रअ छनौट समितिको सिफारिस एवं विद्यालय व्यवस्थापन समितिको गत फागुन ७ गतेको निर्णय अनुसार खनाल प्रअ नियुक्त भएका हुन् ।
खनाल सोही विद्यालयको माध्यमिक तह प्रथम श्रेणीका शिक्षक हुन् । यस अघिका प्रअ इन्द्रदेव तिवारीले प्रअबाट राजिनामा दिएपछि विद्यालय व्यवस्थापन समितिका अध्यक्ष डा.सुरेन्द्रप्रसाद श्रेष्ठको संयोजकत्वमा रहेको प्रअ छनौट समितिको सिफारिस पछि विव्यसले खनाललाई प्रधानाध्यापक बनाउने निर्णय गरेको थियो ।
प्रअ खनालको नेतृत्वमा कालिका माविले हालसम्मको भन्दा अझ उत्कृष्ट नतिजा निकाल्ने र शैक्षिक गुणस्तर सुधार्ने अपेक्षा लिएको विद्यालय व्यवस्थापन समितिका अध्यक्ष डा.श्रेष्ठले बताए ।
