देवघाट । चैत २३
चैते दशैंको अवसरमा देवघाट स्थित कालिका मन्दिर निर्माण समितिको आयोजनामा शुक्रबारबाट आयोजना गरिएको पुरुष तथा महिला भलिवल प्रतियोगिता शनिबार सम्पन्न भएको छ ।
उक्त प्रतियोगितामा पुरुष तर्फ बाग्लुङ गलकोट समाज प्रथम भएको थियो भने दोश्रो नवलपुरको हर्दी भएको थियो । प्रथम र दोश्रो हुने टिमलाई क्रमश नगद ३० हजार र १५ हजार रुपैयाँ पुरस्कार प्रदान गरिएको थियो ।
त्यसैगरि महिला तर्फ प्रथम राइजिङ स्टार क्लव नयाँवस्ती प्रथम भएको थियो । महिला तर्फ प्रमथ हुने टिमलाई नगद १० हजार रुपैयाँ पुरस्कार प्रदान गरिएको थियो । प्रतियोगितामा पुरुष तर्फ १० टिम सहभागी थियो भने महिला तर्फ ५ टिम सहभागी रहेको थियो ।
आर्थिक संकलन गरि कालिका मन्दिरमा महिला र पुरुषको शौचालय निर्माण गर्ने उद्देश्यले उक्त प्रतियोगिता आयोजना गरिएको कार्यक्रमका आर्थिक सयोंजक अमर थापाले बताए । उक्त कार्यक्रम कालिका मन्दिर निर्माण समितिका अध्यक्ष याम वहादुर अस्लामीको अध्यक्षतामा भएको थियो ।
