तनहुँ । जेठ २७
गोरखामा सम्पन्न भएको १५ औं राष्ट्रपति रनिङ सिल्ड गण्डकी प्रदेश स्तरीय छनोट प्रतियोगितामा देवघाट गाउँपालिकाकी खेलाडी मनिषा गुरुङले कराँतेमा स्वर्ण पदक जितेकी छिन् । प्रदेश खेलकुद परिषद् गण्डकीको आयोजनामा भएको उक्त प्रतियोगितामा कालिका मावि देवघाट–५ की छात्रा मनिषाले स्वर्ण पदक जितेकी हुन् ।
प्रतियोगितामा महिला एकल कातामा मनिषाले स्वर्ण जितेकी थिइन् । गन्डकी प्रदेशमा प्रथम भएसँगै मनिषाले काठमाडौंमा हुने १५ औ राष्ट्रिय राष्ट्रपति रनिङ शिल्ड प्रतियोगितामा गन्डकी प्रदेशको तर्फबाट भाग लिन पाउने भएकी छिन् ।
त्यसैगरि कुमुतेको पुरुष ५२ केजी समुह तर्फ देवघाटका दिलिप गुरुङ्गले कास्य पदक जितेका थिए । त्यसैगरि सटपुट तर्फ कालिका मावि देवघाटकी छात्रा परिमाया आलेले रजत पदक जितेकी थिइन् ।
उक्त प्रतियोगितामा शुक्लागन्डकीकी मन कुमारी लामाले पनि ताईक्वान्दोमा स्वर्ण पदक जित्न सफल भएकी थिइन् । प्रतियोगितामा तनहुँ जिल्लाले २ स्वर्ण, ७ रजत र १८ कास्य पदक जित्न सफल भएको छ ।
