तनहुँ । असार ११
आँबुखैरेनी गाउँपालिकाले आफ्नै स्रोत साधनबाट हाडजोर्नी तथा नशा रोग को विशेषज्ञ सेवा सुरु गरेको छ । गाउँपालिकाले डा.राजकुमार शाहलाई नियमित अनुबन्धमा नियुक्त गरी आँबुखैरेनी अस्पतालमा सेवा दिन थालेको हो ।
गाउँपालिका अध्यक्ष शुक्र चुमानका अनुसार डा.शाहको सेवा सुरु भएपछि अब हाडजोर्नी र नशा सम्बन्धी उपचारका लागि स्थानीयवासीलाई पोखरा, चितवन वा काठमाडौं जस्ता सहर जानुपर्ने बाध्यता हटेको छ । ‘विशेषज्ञ सेवा गाउँमै उपलब्ध गराउँदा जनताको समय, पैसा र श्रमको बचत हुने विश्वास लिएका छौं’, अध्यक्ष चुमानले भने ‘यसले गुणस्तरीय स्वास्थ्य सेवा गाउँमै सुनिश्चित गर्ने हाम्रो अभियानलाई थप बल पु¥याएको छ ।’
गाउँपालिकाले आगामी दिनमा अन्य विशेषज्ञ सेवा पनि क्रमशः विस्तार गर्ने योजना बनाएको जनाएको छ ।
