देवघाट । असार १४
देवघाट गाउँपालिका–५ स्थित चक्रवर्ती सामुदायिक वन समुहले वन समूह भित्र रहेका दुई युवा क्लवलाई खेल सामाग्री वितरण गरेको छ ।
सो कार्यक्रममा देवघाट खेलकुद समिति वडा नम्बर ५ को अध्यक्ष खेम बहादुर रानाले हरेक सस्थामा युवाहरु जोडिन पर्ने बताए । युवाहरुले सस्थामा दिएको योगदानलाई मध्यनजर गर्दै सस्थाले युवाहरुलाइ चाहिने आवस्यक पुर्वधारहरु पनि पूरा गरिने रानाले बताए । सो कार्यक्रममा चक्रवर्ती सामुदायिक वनका अध्यक्ष डिल बहादुर गुरुङले अबको समयमा युवाहरुले सस्थाहरुमा सहयोग गर्न पर्ने बताए ।
संघसस्थाहरु र युवाहरु समन्वय गरेर अगाडि बढे मात्र सस्थाले फड्को मार्ने गुरुङले बताए । सो कार्यक्रममा चक्रवर्ती सामुदायिक वनका सचिव प्रेम थापा मगरले युवाहरु जहाँ रहे पनि संघ सस्थामा आबद्ध भइ काम गर्नुपर्ने बताए । चक्रवर्ती सामदायिक वनले ती युवाहरुको चाहाना बिस्तारै पूरा गर्ने छ जुन युवाहरुले सस्थामा जिम्मेवार भइ दायित्व पूरा गर्नेछ सोहि कारणले युवाहरुलाइ खेलकुद साम्रागी वितरण गरिएको थापाले बताए ।
उक्त अवसरमा चक्रवर्ती सामुदायिक वन समूह भित्र रहेका जलदेबी युवा क्लव र देवपुर युवा क्लवलाई तीन थान भलिवल, दुई थान जाली र दुई थान पम्प वितरण गरेको थियो ।
