चितवन । असोज ७
मुग्लिन–नारयणगढ सडक खन्डको इच्छा कामना गाउँपालिकाको तुइन खोलामा मंगलबार साँझ ठुलो पहिरो खसेको छ । मंगलबार साँझ ४.५५ बजे यस अघि पहिरो गएकै स्थानमा हालसम्मकै ठुलो पहिरो खसेको हो ।
उक्त पहिरो हटाएर सडक खुलाउन दुई दिन लाग्ने सडक डिभिजन चितवनले जनाएको छ । तत्काल पहिरो हटाएर खुलाउन दुई दिन लाग्ने हुँदा बैकल्पिक सडक प्रयोग गर्न सडक विभागले अनुरोध गरेको छ ।
यस अघि गत शुक्रबार उक्त सडकमा यस्तै ठुलो पहिरो खसेर करिब २४ घन्टा यातयात अबरुद्ध भएको थियो । मंगलबारको पहिरोमा कुनै मानविय क्षती भएको छैन ।
