तनहुँ । असोज २७
म्याग्दे गाउँपालिका–१ तल्लो गुणादी स्थित पृथ्बिराजमार्गमा पोखराबाट दमौली तर्फ जाँदै गरेको बा.प्र.०२–०५१ प ९३४७ नम्बरको मोटरसाईकलमा सोमबार बिहान दुर्घटना लगत्तै आगो लागेको छ ।
मोटरसाईकल चालकले नियन्त्रण गुमाई सडक छेउको रेलिङमा ठक्कर खाई दुर्घटना भएपछि मोटरसाईकलमा आगो लागेको थियो । आगलागीबाट मोटरसाईक जलेर पुर्ण रुपमा क्षती भएको छ ।
उक्त दुर्घटनामा मोटर साईकल चालक रहेका धादिङ जिल्ला गल्छि गाउँपालिका–४ बस्ने बर्ष १९ का निश्चल अधिकारी र मोटरसाइकलमा सावर नुवाकोट जिल्ला बिदुर नपाको चुच्चे बस्ने बर्ष २३ को प्रदिप नेपाल घाइते भएका छन् । घाइते दुबैको रत्नहरी अस्पताल दमौलीमा उपचार भयो ।
