देवघाट । कार्तिक १०
देवघाट गाउँपालिका–५ मा रहेको देवघाट बचत तथा ऋण सहकारी संस्था लिमिटेडको चौधौं वार्षिक साधारण सभा सोमबार सम्पन्न भएको छ ।
उक्त साधारणसभाको देवघाट गाउँपालिका वडा नम्बर ५ का अध्यक्ष एवं गाउँपालिकाका प्रवक्ता पुर्णबहादुर कुँवरले उद्घाटन गरे । सहकारीका अध्यक्ष अर्जुन अधिकारीको अध्यक्षतामा भएको उक्त कार्यक्रममा देवघाट गाउँपालिकाका सहकारी शाखाका प्रमख कृष्णराज पन्त, सहकारीका शेयर सदस्यहरु बाबुराम पौडेल र पञ्च बहादुर गुरुङ लगायतले शुभकामना मन्तव्य राखेका थिए ।
उक्त कार्यक्रमको सन्चालन सचिव महेशराज भट्टराईले र स्वागत मन्तव्य उपाध्यक्ष प्रशन्न ढकालले राखेका थिए । उक्त साधारणसभामा अध्यक्ष अधिकारीले चालु आर्थिक वर्षको गतिविधिहरूको समीक्षा गर्दै आगामी वर्षका लागि कार्ययोजना प्रस्तुत गरेका थिए । त्यस्तै लेखा समिति संयोजक भिम प्रसाद सापकोटाले लेखापरीक्षण प्रतिवेदन प्रस्तुत गरेका थिए ।
