तनहुँ । मंसिर ६
व्यास नपा–१२ को आर्कीडाडा स्थित घासिँकुवा–नाम्रुङ भित्री सडक खण्डमा दुई मोटरसाईकल एक आपसमा ठक्कर खाँदा दुई जना घाइते भएका छन् । मैबलबाट घासिँकुवा तर्फ जाँदै गरेको ग १९ प १२७८ नम्बरको १ जना सवार मोटरसाईकल र बिपरित दिशाबाट आउदै गरेको ग ११ प ८८३१ नम्बरको १ जना सवार मोटरसाईकल अनियन्त्रित भई एक–आपसमा ठक्कर खाई दुर्घटना हुँदा दुई जना घाइते भएका हुन् ।
घाइते हुनेमा ग ११ प ८८३१ नम्बरको मोटरसाईकलका चालक भानु नपा–५ मैबल बस्ने बर्ष १८ को प्रेन्स अधिकारी र ग १९ प १२७८ नम्बरको मोटरसाईकलका चालक सोही ठाउँ बास्ने बर्ष २८ को सन्दिप खत्री रहेका छन् ।
घाइते मध्ये अधिकारीको लक्ष्मी अस्पताल डुम्रेमा उपचार गरि थप उपचारकोलागि चितवन पठाईएको छ भने खत्रीको लक्ष्मी अस्पताल डुम्रेमा उपचार भईरहेको प्रहरीले जनाएको छ ।
