तनहुँ । फागुन १०
म्याग्दे गाउँपालिकाको टिमले गाउँपालिकाको अनुदानमा सन्चालित आलु उत्पादन कार्यक्रमको अनुगमन गरेको छ ।
गाउँपालिकाका अध्यक्ष श्रीप्रसाद श्रेष्ठको नेतृत्वको टिमले आइतबार गाउँपालिकाको ५० प्रतिशत अनुदानमा म्याग्दे साना किसान सहकारी संस्था, सजिलो बचत तथा ऋण सहकारी संस्था र बाराही महिला बहुउद्देश्यीय सहकारी संस्था लि.द्वारा सन्चालित आलु उत्पादन कार्यक्रमको अनुगमन गरेको हो । अनुगमन टिममा गाउँपालिकाका उपाध्यक्ष बालकृष्ण घिमिरे, प्रमुख प्रशासकीय अधिकृत नारायणप्रसाद अधिकारी सहित कर्मचारीहरुको सभागिता रहेको थियो ।
गाउँपालिकाको ५० प्रतिशत अनुदानमा तिन वटा सहकारी संस्था मार्फत १६ रोपनी क्षेत्रफलमा आलु उत्पादन कार्यक्रम सन्चालन भईरहेको छ । म्याग्दे गाउँपालिकाको वडा नम्बर ६ र ७ आलु उत्पादनमा प्रख्यात छ । गाउँपालिकाले उत्पादित कृषि उपज संकलनकोलागि चिस्यान केन्द्र सन्चालनमा ल्याएको छ ।
