तनहुँ । बैशाख २४
म्याग्दे गाउँपालिकामा कार्यरत सहकारी संस्थाका सन्चालकहरुलाई अभिमुखीकरण कार्यक्रम सन्चालन गरिएको छ । आफ्नो स्थानीय क्षेत्रमा आर्थिक कारोबारमा सक्रिय रहेका सहकारी संस्थाहरुलाई सहकारीको नीति तथा राज्यको कानून बमोजिम अपडेट गराउनुका साथै प्रभावकारी सेवा प्रवाह हुने उद्देश्यले अभिमुखीकरण कार्यक्रम गरिएको म्याग्दे गाउँपालिकाका अध्यक्ष श्रीप्रसाद श्रेष्ठले बताए ।
सहकारी संस्थाहरुले राज्यको नीति तथा स्थानीय सरकारको सहकारी सम्बन्धि ऐन, कानुनको कार्यान्वयन गरि संस्था सन्चालन गर्नुपर्ने अध्यक्ष श्रेष्ठले बताए ।
दुई दिने उक्त अभिमुखीकरण कार्यक्रममा म्याग्दे गाउँपालिकामा सन्चालित २६ वटा सहकारी संस्थाका प्रतिनिधिहरु सहभागी छन् । सहभागीहरुलाई प्रमुख प्रशासकीय अधिकृत नारायणप्रसाद अधिकारीले प्रशिक्षण दिएका छन् । सो कार्यक्रममा गाउँपालिकाका उपाध्यक्ष बालकृष्ण घिमिरे तथा वडा अध्यक्षहरुको पनि सहभागिता रहेको थियो ।
