तनहुँ । जेठ २५
जिल्ला प्रहरी कार्यालयले वर्कसप तथा कवाड व्यवसायीहरुसँग अन्तरक्रिया गरेको छ । समुदाय प्रहरी साझेदारी कार्यक्रम अन्तर्गत सोमबार दमौली बजारमा सन्चालित वर्कसप तथा कवाड व्यवसाय सन्चालन गर्ने व्यावसायीहरुसँग अन्तरक्रिया तथा छलफल कार्यक्रम सन्चालन गरिएको जिल्ला प्रहरी कार्यालय तनहुँले जनाएको छ ।
जिल्ला प्रहरी कार्यालय तनहुँको सभाहलमा सन्चालित कार्यक्रममा कुल ४२ जना व्यवसायीहरु सहभागी रहेको थियो । उक्त अन्तरक्रिया कार्यक्रममा जिल्ला प्रहरी कार्यालयका प्रमुख प्रहरी उपरीक्षक टेक बहादुर कार्कीको पनि उपस्थिति रहेको थियो ।
