तनहुँ । साउन २
मुग्लिङ–पोखरा सडक खण्डमा हुन सक्ने दुर्घटनालाई मध्यनजर गर्दै दुर्घटना न्युनिकरणको लागि जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँद्वारा संयुक्त रुपमा आषाढ महिना भरिमा कुल ४ हजार ६०७ वटा सवारी साधनलाई सचेत गराएको छ ।
जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँले प्रत्येक दिन बिहान बिहान ४ बजेबाट पोखरा–मुग्लिङ सडक खण्डमा अभियानका रुपमा सन्चालित चालक सचेतना कार्यक्रम ९३ स्थानमा गरिएको जनाईएको छ ।
उक्त क्रममा १ हजार ९२१ वटा दुई पाङग्रे सवारी साधन, १ हजार ३७१ वटा ४ पाङग्रे साना सवारी साधन र १ हजार ३१५ वटा ठुला सवारी साधनका चालकलाई सडकको अवस्था, मौसमको अवस्था, लेन अनुशासन, ट्राफिक नियमको पालना सम्बन्धि सम्झाई बुझाई गरिएको जिल्ला प्रहरी कार्यालयले जनाएको छ ।
सवारी साधनलाई सचेतना गराएपछि राजमार्गमा हुने दुर्घटनामा उल्लेख्य कमी आएको जिल्ला प्रहरी कार्यालय तनहुँले जनाएको छ ।
