तनहुँ । साउन २
बढ्दो दुर्घटना न्यूनिकरणको उद्देश्यका साथ जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँले १५ दिनमा ३१४८ वटा भारतीय सवारी साधनका चालकलाई सचेतना दिएको छ ।
तनहुँ जिल्ला प्रवेश गर्ने भारतिय सवारी साधनका चालकहरुलाई सडकको अवस्था, गति नियन्त्रण, मौसमको अवस्था लगायतका बिषयमा गत असार १४ गते देखि असार ३२ गते सम्म प्रत्येक दिन बिहान ६ देखि साँझ ६ बजेसम्म सचेत गराईएको थियो ।
उक्त अवधिमा ३८ स्थानमा सचेतना कार्यक्रम सन्चालन गरिएको र त्यसक्रममा जम्मा ३१४८ वटा सवारी साधनलाई सचेतना गराइएको जिल्ला प्रहरी कार्यालय तनहुँका सुचना अधिकारी तथा डिएसपी द्वारिका प्रसाद घिमिरले जानकारी दिए ।
तनहुँको आबुँखैरेनी र बलेचौतारा एरियामा दैनिक रुपमा भारतीय सवारी साधनका चालकलाई सचेतना कार्यक्रम सन्चालन गरिँदै आएको छ ।
