तनहुँ । साउन ६
प्रसिद्ध पर्यटकीय स्थल बन्दीपुरको मुख्य आकर्षणका रूपमा रहेको मुकुन्देश्वरी पदमार्ग (मिनी ग्रेटवाल) क्षेत्रमा बृहत् सरसफाइ कार्यक्रम सम्पन्न भएको छ ।
नेपाली कम्युनिस्ट पार्टी बन्दीपुर गाउँ कमिटीको आयोजनामा बन्दीपुर गाउँपालिका–२ स्थित पदमार्ग परिसरमा बुधबार बिहान सरसफाइ गरिएको हो ।
स्थानीयस्तरमा पर्यटन प्रवद्र्धन गर्ने, वातावरण संरक्षणमा टेवा पु¥याउने तथा सार्वजनिक स्थलको स्वच्छता कायम राख्ने उद्देश्यका साथ कार्यक्रम आयोजना गरिएको आयोजकले जनाएको छ ।
सरसफाई कार्यक्रममा नेपाली कम्युनिष्ट पार्टीका नेता तथा कार्यकर्ताहरू, स्थानीय बासिन्दाका साथै विभिन्न सरोकारवाला निकायका प्रतिनिधिहरूको सहभागिता रहेको थियो । सहभागीहरूले पदमार्ग र त्यस वरपर फ्याँकिएका फोहर तथा प्लाष्टिकजन्य सामग्रीहरू सङ्कलन गरी व्यवस्थापन गरेका थिए ।
