तनहुँ । साउन १०
जिल्ला प्रहरी कार्यालय तनहुँले प्रतिबन्धित लागूपदार्थ (लागुऔषध) सहित दुई जना पुरुषलाई नियन्त्रणमा लिएको छ । अस्थायी प्रहरी पोष्ट मुग्लिङ पुलजिपबाट खटिएको प्रहरी टोलीले आबुखैरेनी गाउँपालिका–४ बेनीटारस्थित पृथ्वीराजमार्ग सडकखण्डमा सवारी साधन चेकजाँच गर्ने क्रममा उनीहरूलाई पक्राउ गरेको हो ।
मुग्लिङबाट डुम्रेतर्फ जाँदै गरेको मोटरसाइकलमा सवार लमजुङ सुन्दरबजार नगरपालिका–९ र लमजुङ दूधपोखरी गाउँपालिका–३ बस्ने दुई जना व्यक्तिहरूको साथबाट प्रहरीले लुकुछिपी ल्याएको डाइजेपाम १८ एम्पुल, बेप्रेनोफिन १८ एम्पुल र फेनेग्रान १८ एम्पुल गरि गरी जम्मा ५४ एम्पुल प्रतिबन्धित लागूपदार्थ, मोटरसाइकल र उनीहरूलाई नियन्त्रणमा लिएको छ ।
पक्राउ परेका व्यक्तिहरूमाथि जिल्ला अदालत तनहुँबाट म्याद थप अनुमति लिई थप अनुसन्धान कार्य अगाडि बढाइएको जिल्ला प्रहरी कार्यालय तनहुँका सूचना अधिकारी तथा प्रहरी नायव उपरीक्षक द्वारिका प्रसाद घिमिरेले जानकारी दिएका छन् ।
