तनहुँ । साउन २८
तनहुँ क्षेत्र नम्बर २ का प्रतिनिधि सभा सदस्य ई.श्रीराम न्यौपानेको उपस्थितिमा क्षेत्र नम्बर २ का विभिन्न ‘सांसद जनसंवाद कार्यक्रम–२’ आयोजना भएको छ । स्थानीय नागरिकका गुनासा, समस्या तथा सुझावहरू प्रत्यक्ष रूपमा सुन्ने र समाधानका पहल गर्ने उद्देश्यका साथ सो कार्यक्रम सञ्चालन गरिएको हो ।
उक्त कार्यक्रम बिहीबार व्यास नगरपालिका वडा नम्बर ६ का दुई फरक–फरक स्थानहरूमा आयोजना गरियो । व्यास ६ को स्याम्घा हटिया र सिसाघाट सामुदायिक भवनमा छुट्टाछुट्टै समयमा उक्त कार्यक्रम आयोजना गरिएको सांसद न्यौपानेको सचिवालयले जनाएको छ ।
जनप्रतिनिधि र आम नागरिकबीचको सम्बन्धलाई थप कसिलो बनाउन र स्थानीय विकास निर्माणका आवश्यकताबारे प्रत्यक्ष छलफल गर्न यो ‘सांसद जनसंवाद’ सहयोगी सिद्ध हुने अपेक्षा गरिएको सांसद न्यौपानेले बताए । उक्त कार्यक्रममा व्यास–६ का सर्वसाधारण, बुद्धिजीवी, समाजसेवी तथा स्थानीय बासिन्दाहरूलाई कार्यक्रममा उपस्थित भई आफ्ना जिज्ञासा, समस्या र सुझावहरू राखेका थिए ।
यसैगरि ऋषिङ्ग र घिरिङ्ग गाउँपालिकाका विभिन्न स्थानमा शुक्रबार ‘सांसद जनसंवाद कार्यक्रम–२’ भएको छ । तनहुँ क्षेत्र नम्बर २ का प्रतिनिधि सभा न्यौपानेको उपस्थितिमा आयोजना भइरहेको ‘सांसद जनसंवाद कार्यक्रम–२’ अन्तर्गत शुक्रबार ऋषिङ्ग र घिरिङ्ग गाउँपालिकाका विभिन्न स्थानहरूमा जनसंवाद कार्यक्रम सञ्चालन हुने भएको हो ।
नागरिकका समस्या, आवश्यकता र स्थानीय विकाससम्बन्धी गुनासाहरू प्रत्यक्ष रूपमा सुनेर समाधानको पहल गर्ने उद्देश्यले यो अभियान सञ्चालन गरिएको हो । शुक्रबार एकै दिन ६ वटा फरक–फरक स्थानमा जनसंवाद कार्यक्रमको समय तालिका तय गरिएको छ ।
विहान ८.३० बजे रिसिङ्ग–३, अर्चल्दीमा, विहान १० बजे ऋषिङ्ग–४, भिरकोटमा, ११.३० बजे ऋषिङ्ग–२, काहुँमा, १२.३० मा ऋषिङ्ग–७, अर्खलछापमा, दिउँसो २.३० बजे ५. घिरिङ्ग–४, कोट साभुङ्गमा र अपरान्ह ४ बजे घिरिङ्ग–३, सिंजाली थरमा उक्त जनसंवाद कार्यक्रम हुने भएको सांसद न्यौपानेको सचिवालयले जनाएको छ ।
सांसद न्यौपानेले सम्बन्धित वडाका सम्पूर्ण बासिन्दा, समाजसेवी, बुद्धिजीवी तथा आम नागरिकहरूलाई तोकिएको समय र स्थानमा उपस्थित भई आफ्ना जिज्ञासा तथा सुझावहरू निर्धक्क रूपमा राख्न अनुरोध गरेका छन् ।
