देवघाट
देवघाट गाउँपालिकामा एक दिने नागरिकता वितरण घुम्ती सेवा शिविर सम्पन्न भएको छ । सोही क्रममा देवघाट गाउँपालिका १ निवासी जइसरा गुरुङले ९४ वर्षको उमेरमा तनहुँका प्रमुख जिल्ला अधिकारी श्री रुद्र प्रसाद पण्डित मार्फत नागरिकता प्राप्त गरेकी छिन् ।
गुरुङले आफुले सकुनजेलसम्म नागरिकता बनाउन कुनै चासो नदिएको र परिवारले नागरिकता बनाउन पर्छ भन्दा पनि वास्ता नगरेको परिवारका सदस्यहरुको भनाई थियो । अहिले श्रीमान् र छोरा समेत बितिसकेको अवस्थामा नाति- नातिनी बुहारीले नागरिकता उपलब्ध गराइदिए ।
नागरिकता वितरण शिविरमा महिला ११९ जना र पुरुष ९३ जना गरेर जम्मा २१२ जनाले नागरिकता प्राप्त गरेका छन् ।
त्यसैगरी मतपत्र ११२ महिला र १०० पुरुष गरेर जम्मा २१२ जनाले प्राप्त गरेका छन् । कार्यक्रममा जिल्ला प्रमुख कार्यलय तनहुका प्रमुख विनोद सिलवाल, देवघाट गाउँपालिकाका प्रशासकिय अधिकृत रमेश सुवेदी, देवघाट गाउँपालिकाको अध्यक्ष दुर्गबहादुर थापा,लगायत वडाका अध्यक्षहरुको उपस्थिती रहेको थियो ।
