२८ चैत्र, देवघाट

देवघाट गाउँपालिकाले लकडाउनको अवधिमा पनि केही कृषि कार्य गर्न छुट दिने भएको छ । देवघाट गाउँपालिकाले सुचना प्रकाशित गरि सिजन अनुसारको तत्कालै लगाउनु पर्ने र उठाउनु पर्ने बाली लगाउन र उठाउन पाउने जनाएको छ ।

साथै तरकारी, फलफुुल, खाद्यवस्तु, दुध, औषधी विक्री वितरण कार्यहरु र विक्री स्थलमा फिनेल, डिटोल आदिको प्रयोग गरि सफाई गर्नु पर्ने जनाएको छ ।

नोभल कोरोना भाइरस रोग रोकथाम तथा नियन्त्रण उच्चस्तरीय समन्वय समितिको बैठकको निर्णय अनुसार न्युनतम भौतिक दुरी कायम गर्न, मास्क लगाउन, सेनिटाइजरको प्रयोग गर्न र नियमित रुपमा साबुन पानीले हातधुने कार्यलाई निरन्तरता दिन गाउँपालिकाले अनुरोध समेत गरेको गाउँपालिकाका प्रमुख प्रशासकीय अधिकृत रमेश सुवेदीले जानकारी दिए ।