१८ साउन, काठमाडौं
नेपाल वातावरण पत्रकार समूहको नयाँपुस्ता कार्यक्रम तथा शैली थियटरले संयुक्त रूपमा आयोजनामा गरेको मिडिया लिटरेसीसम्बन्धी अनलाइन नयाँपुस्ता र शैली राष्ट्रिय निबन्ध प्रतियोगितामा तनहूँको देवघाटका प्रविण नेपाल राष्ट्रिय स्तरमा नै दोश्रो हुन सफल भएका छन् । आईतबार सार्वजानिक नतिजा अनुसार महेश संस्कृत गुरूकुलम् देवघाटका कक्षा १० का छात्र प्रविण नेपाल दोश्रो भएका हुन् ।
प्रतियोगितामा पोखरा रानिपौवाको ग्लोबल कलिजियट स्कुलको कक्षा ११ मा पढने रोजिता आचार्य क्षेत्री प्रथम भएकी छिन् । यसैगरि पञ्चोदय मावि धनगढी कैलालीका एसईईका छात्र पवन भट्ट तेश्रो भएका छन् ।
प्रतियोगितामा प्रथमलाई प्रमाणपत्र र १५ हजार नगद दोश्रो हुनेलाई प्रमाणपत्रको साथमा नगद १० हजार तेश्रो हुनेलाई नगद ५ हजार र प्रमाणपत्र दिईने आयोजकले जनाएको छ ।
नेपाली बालबालिकलाई मिडिया लिटरेसीका बारेमा कति जानकारी छ र उनीहरूमा आलोचनात्मक ढङ्गले विश्लेषण गर्ने क्षमता बुझ्नका लागि द नेदरल्याण्ड्सको द फ्रि प्रेस अनलिमिटेडको सहयोगमा सो प्रतियोगिता आयोजना गरिएको थियो ।
यो प्रतियोगितामा देशभरबाट एक सय ३३ प्रतियोगिहरुले सहभागिता जनाएका थिए । कोभिड १९ को बढ्दो संक्रमणका कारण प्रतियोगिता भर्च्युअल रूपमा आयोजना गरिएको र यसका निर्णायकहरूले पनि अनलाइनमा नै ती निबन्धको परिक्षण गरेका थिए। बालबालिकाको सुरक्षाका लागि उनीहरूले पाएको पुरस्कार तथा प्रमाणपत्र समेत अनलाइनबाट नै पठाइने व्यवस्था गरिएको आयोजकले वताएका छन्।
